'

【世盃錦囊】分組第二輪 悶戰持續繼續追「細」

話咁快去到分組第二輪比賽,食飯時間今晚6點正,先有威爾斯對伊朗。威爾斯剛啱對美國打和1比1,全場威爾斯都無乜具威脅攻勢,如果唔係加里夫巴利臨尾博到個十二碼,真係睇唔出佢哋有乜本錢入波。

至於伊朗就更加唔使多講,對英格蘭可謂一戙都無,如果唔係英格蘭大幅領先,比賽中尾段有少少放軟手腳,伊朗想破蛋都難。睇怕呢場都係一球起兩球止,捧中位數2.5球「細盤」。

去到晚上9點正,主辦國卡塔爾主場對塞納加爾。前者於揭幕戰表現認真嚇親人,連近距離交波都經常失誤。究竟係緊張得滯定係領隊部署失當就不得而知。莫講話取得勝利,就算入波都有難度。

塞內加爾亦都唔叻得去邊,似乎無咗文尼真係影響到攻力。雖然今場對手卡塔爾唔強,但塞加納爾大炒對手嘅本錢確實不足,揀中位數2.5球「細」好合理。

周六凌晨零時,荷蘭鬥厄瓜多爾。荷蘭首輪賽事贏塞納加爾兩粒,一句說話形容就係「大話夾好彩」,前場把握能力唔強,好難相信佢哋會短時間內大變身。

厄瓜多爾首輪只係擊敗弱隊卡塔爾,唔多畀唔到大家信心。次輪對住質素好少少嘅荷蘭,厄瓜多爾未必咬入橙軍。值得一提,因A組次輪卡塔爾對塞內加爾踢先,賽果隨時對「荷厄」爭勝意欲有影響,屆時開「細」機會就更高。 文:King Sir