【世盃快打】港產KOL托哥(Torres Pit) 頒獎畀摩笛！ 邀請克羅地亞隊長來港食點心

相信唔少人都好欣賞克羅地亞球星摩迪歷，如果有機會同佢近距離接觸的話，真係由個心裡面笑出嚟，如果頒埋獎，會唔會開心到彈起先？

克羅地亞最後一場分組賽對比利時，賽後摩迪歷當選為Player of the match，一如以往有個贊助商冠名嘅頒獎儀式，而今次頒獎畀摩迪歷係香港youtuber托哥。

托哥經常都會同佢個南非女朋友Georgia，帶大家周遊列國，吃喝玩樂兼撩撩仔撩女。佢條youtube頻道已超過70萬訂閱。有時悶悶哋，睇佢四圍搞搞震都幾過癮，大家都不妨睇睇，支持下本地創作者！